Undanfarna daga hafa 10 nemendur í fornleifafræði frá hinum ýmsu háskólum í Bretlandi og Skotlandi dvalist hér á Hrafnseyri við uppgröft undir leiðsögn kennara síns Margrétar Hallmundsdóttur fornleifafræðings frá Náttúrustofu Vestfjarða, en Margrét hóf fornleifauppgröft hér á Hrafnseyri síðastliðið haust. Stutt er síðan mannabein fundust hér í miðaldakirkjugarðinum á Hrafnseyri fyrir rúmlega mánuði síðan.

Komið niður á eina gröfina

Höfuðkúpa kemur í ljós

Tennur úr manneskju

Margrét Hrönn Hallmundsdóttir og Guðný Zoega

« 1 af 4 »

Í gær, 3. Júlí, byrjuðu fornleifafræðingarnir Margrét Hrönn Hallmundsdóttir og Guðný Zoega að grafa eftir mannabeinum í miðaldakirkjugarðinum á Hrafnseyri, þ.e. í gamla kirkjugarðinum sem liggur fyrir neðan núverandi kirkjugarð. Meiningin með uppgreftrinum er að aldursgreina beinin svo hægt sé að ákvarða nánar hvenær garðurinn var í notkun. Þegar þetta er skrifað hafa þær stöllur þegar fundið nokkur bein sem send verða til aldursgreingar. Það verður því spennandi að heyra frá hvaða tíma þessi bein eru.