Brynja Svane til vinstri og Sigurlín Sveinbjörnsdóttir þýðandi til hægri.

Í gær fengum við góða heimsókn frá Danmörku þegar rithöfundurinn Brynja Svane og þýðandi hennar Sigurlín Sveinbjörnsdóttir komu við á Hrafnseyri. Þær stöllur komu færandi hendi og afhentu staðarhaldara skáldsöguna Guðrún – Ættarsaga frá Vestfjörðum sem nýverið kom út hjá bókarforlaginu Sæmundi. En í dag kl. 16 munu þær kynna bókina í Byggðasafni Vestfjarða á Ísafirði.

Fornleifafræðingarnir dr. Guðný Zoëga frá Háskólanum á Hólum og Dr. John Steinberg munu koma á Hrafnseyri og fjalla um fornleifarannsóknir sem þau vinna að á Norðurlandi. Fyrirlesturinn er haldinn í tengslum við vettvangsnámskeið í fornleifafræði sem fer nú fram á Hrafnseyri. Fyrirlesturinn er á ensku en er öllum opinn. Hann hefst kl. 16:00 föstudaginn 16. ágúst í kapellunni á Hrafnseyri.