Í gær fengum við góða heimsókn frá Danmörku þegar rithöfundurinn Brynja Svane og þýðandi hennar Sigurlín Sveinbjörnsdóttir komu við á Hrafnseyri. Þær stöllur komu færandi hendi og afhentu staðarhaldara skáldsöguna Guðrún – Ættarsaga frá Vestfjörðum sem nýverið kom út hjá bókarforlaginu Sæmundi. En í dag kl. 16 munu þær kynna bókina í Byggðasafni Vestfjarða á Ísafirði.
Bókin er fyrsta bindið í fjögurra bóka flokki sem segir sögu forfeðra Brynju Svane og kom út í Danmörku á árunum 2018-2023. Sögusviðið er m.a. Auðkúluhreppur hinn forni en sagan hefst í Reykjanesi við Djúp þaðan sem fjölskyldan flytur í Arnarfjörð þegar danski kóngurinn, Kristján sjöundi, vildi efla saltgerð í Reykjanesi.
Brynja svane er fædd á Ísafirði en ólst upp á Íslandi og í Danmörku. Hún var áður prófessor í frönskum bókmenntum við Háskólann í Uppsölum og hefur gefið út fjölda fagbóka, fyrir utan sjö skáldsögur á árunum 2012-2023. Skáldsagan Guðrún er fyrsta af fjórum bókum sem gefnar hafa veirð út frá 2018-2023 og er söguleg skáldsaga um fjölskyldu og samferðamenn hennar á 18. öld á norðanverðum Vestfjörðum.