Endurnýjun á Safni Jóns Sigurðssonar stendur nú yfir. Þann 8. ágúst síðastliðinn var safninu lokað og framkvæmdir hafnar við að taka niður safnkost og breyta húsnæðinu fyrir nýju sýninguna, sem opnuð verður 17. júní 2011

27. - 31. júlí - Þjóð og þjóðernisstefna á hnattvæddum tímum

Þá er Sumarháskóla Hrafnseyrar lokið þetta sumarið. Um var að ræða 5 daga námskeið þar sem nemendur voru kynntir fyrir sögu Íslands og því hvernig við mannfólkið myndum ýmsar gerðir félagslegra hópa, samfélaga og þjóða, og teljum okkur tilheyra þeim á einn eða annann hátt. Einnig var hnattvæðingunni gerð skil og fjallað um það hvernig hún bæði leysir upp þessar hópmyndanir og myndar nýjar. Tólf nemendur tóku þátt í námskeiðinu. Níu þeirra komu frá Kanada, einn frá Spáni annar Þýskalandi og sá þriðji frá Reykjavík. Kennarar voru mannfræðingarnir Richard Jenkins frá Sehffield Háskóla í Englandi og Valdimar J. Halldórsson staðarhaldari á Hrafnseyri.