Á gagnvirka kortinu sem er í mótun er hægt fá innsýn í reynsluheim barna á ólíkum stöðum á Íslandi. Smellið á rauðu staðsetningartáknin til að kynnast reynsluheimi barna víða um landið.

Heil_heimur_af_börnum_2024 af Kristin R. Vilhjalmsdottir

Í tilefni þess að 80 ár eru liðin frá stofnun lýðveldis á Íslandi efna Safn Jóns Sigurðssonar á Hrafnseyri og Þjóðgarðurinn á Þingvöllum til verkefnisins „Heill heimur af börnum – Börn setja mark sitt á Íslandskortið“.

Mynd: Kristín R. Vilhjálmsdóttir.

Í tilefni þess að 80 ár eru liðin frá stofnun lýðveldis á Íslandi efna Safn Jóns Sigurðssonar á Hrafnseyri og Þjóðgarðurinn á Þingvöllum til verkefnisins „Heill heimur af börnum – börn setja mark sitt á Íslandskortið“.

Hugmyndin er að hvetja börn til að miðla því sem þeim finnst mikilvægt og áhrifaríkt í lífi sínu og umhverfi á sjónrænan hátt – fólk, landslag, menning, listir, áhugamál, náttúra eða annað – og koma því til skila á nýju gagnvirku Íslandskorti sem er í mótun.

Í tilefni þess að 80 ár eru liðin frá stofnun lýðveldis á Íslandi efna Safn Jóns Sigurðssonar á Hrafnseyri og Þjóðgarðurinn á Þingvöllum til verkefnisins „Heill heimur af börnum – Börn setja mark sitt á Íslandskortið“. Verkefnið er leitt af Kristínu R. Vilhjálmsdóttur og byggir á aðferðum Menningarmóts sem Kristín hefur þróað og unnið í grunnskólum á Íslandi og í Danmörku.

Efnt verður til samstarfs við grunnskóla á Vestfjörðum í tengslum við Púkann, barnamenningarhátíð Vestfjarða og skóla í nærumhverfi Þingvalla. Einnig verður kallað eftir innleggi í verkefnið frá grunnskólum hringinn í kring um landið.

Markmið verkefnisins eru:

• Að skapa meðvitund um mikilvægi þess að kynnast sögu, styrkleikum og hugmyndaauðgi annarra.
• Að efna til samræðu um hvernig hver og einn, og rödd hvers og eins, skiptir máli í lýðræðislegu samfélagi.
• Að hlúa að virðingu hvert fyrir öðru þvert á fjölbreyttan tungumála- og menningarbakgrunn.

Við lítum til fortíðar og framtíðar og stöldrum við í nútímanum. Til að opna á gagnvirka forvitni og áhuga –  opna augu barna á Íslandi fyrir því ríkidæmi sem er að finna á hverjum og einum stað –  munu þau sjálf taka þátt í að skilgreina „ríkidæmið“ í nærumhverfi sínu (fólkið, landslag, náttúru, menningarlíf, menningararf o.s.frv.).